Җөмләдәге биш сүзнең өчесе артык, яки Журналистлар татарча сөйләшергә өйрәнерме?
Мин газета укырга ярата торган кеше. Берничә төрле республика һәм Россия газеталары яздырып алам. Татар һәм рус телләрендә. Һөнәрем телләрне гыйльми яктан өйрәнү белән бәйле булганлыктан, газета-журналларның, шулай ук радио-телевидение тапшыруларының теленә аеруча игътибар белән карыйм. Һәм аның көннән-көн үзгәрә баруын күреп торам.
